تبریز متروسونون ۹۸نجی ایل ایش پلانی معلوم اولدو
تبریز متروسونون ۹۸نجی ایل ایش پلانی معلوم اولدو

تبریز متروسوندان ایشلتمه و بهره لنمه شرکتینین مودورو، بو شیرکتین یئنی ایلده کی ایش پلانی نی آچیقلادی.

سعید بشیریان دئدی: ۱۳۹۸نجی ایلده، تبریز متروسو فروردین آینین ۵یندن ایشه دوشه جک دیر.

تبریز متروسوندان بهره لنمه شرکتینین مودورو مترونون ایش ساعاتلاری حاقیندا آچیقلاما وئردی: مترو عادی گونلرده سحر ساعت ۶:۳۰ دان ۲۰:۰۰ و جمعه گونلری ساعت ۱۱:۳۰دان ۱۵ قدر عزیز همشهری لره خدمت ائده جک دیر.

بشیریان مترو مسافرلرینین هر گون کئچن گون ایله مقایسه ده آرتماسیندان خبر وئریب، همشهری لردن مترو دا اجتماعی آداب ارکانی رعایت ائتمک لری اوچون تقدیر ائتدی.