به گزارش قلم پرس از تبریز، علی شهودی شاعر برجسته آذربایجا‌ن‌شرقی شعر طنزی در خصوص تولید سروده که تقدیم می‌شود. تولیده بو گون پایه ایران دئسن آزدی ایرانی ائدن روضه رضوان دئسن آزدی تولید دیر ایرانی ائدن دنیادا ممتازتولیدی بوگون دردلره درمان دئسن آزدی مین بیرسوری قوچ،مین سوری جیران،نئچه مین کَل تولید ائلییَن اللره قربان دئسن آزدی […]
به گزارش قلم پرس از تبریز، علی شهودی شاعر برجسته آذربایجا‌ن‌شرقی شعر طنزی در خصوص تولید سروده که تقدیم می‌شود.
تولیده بو گون پایه ایران دئسن آزدی
ایرانی ائدن روضه رضوان دئسن آزدی
تولید دیر ایرانی ائدن دنیادا ممتاز
تولیدی بوگون دردلره درمان دئسن آزدی
مین بیرسوری قوچ،مین سوری جیران،نئچه مین کَل
تولید ائلییَن اللره قربان دئسن آزدی
هر کیم اولا ایراندا بو گون مانع تولید
اول شخصه اگر خائن دوران دئسن آزدی
تولید ائدنه گاه ائله مانع یارادیرلار
اول مانعه سد سهل دی یرقان دئسَن آزدی
تولیدین ائوین ائیله خراب ائتمه دیلرکی
ایندی اونا سن خانه سی ویران دئسن آزدی
دلاللار ائله ریشه سینه تیشه وورورلار
مین یول اوتوروب سن اونا جان جان دئسن آزدی
تولیده یامان آفت جان اولدی قاچاقچی
ایندی اونا سن حالی پریشان دئسن آزدی
تولیده اورگ یاندیرانین هریانی یاندی
بیچاره یه سن ایندی پشیمان دئسن آزدی
تبریز بازارین ترکیه اجناسی قاهارسا
اوندا گوزلیم کندووانا وان دئسن آزدی
غصب ائیلدی بیر عده ریاست میزین ای داد
بو غاصب و قاتل لره مروان دئسن آزدی
بیراوز میزینین قیدینه قالمیش گئجه گوندوز
ایندی بئله بیر آدمه شیطان دئسن آزدی
یوخ عرضه ن اگر گئت دالی قوی عرضه لی گلسین
بی عرضه یه بی مایه یه مایدان دئسن آزدی
چوخ کرخانالار اولدولا تعطیل دریغا
ایندی اولارا کهنه دَییرمان دئسن آزدی
مسئول کی اونون اولسا گوزو کور قولاغی کار
اول مسئولا کرمه کسن اسلان دئسن آزدی
مسئولدا اوره گدن ائده گر ملته خدمت
الحق اونا سالار و کریمخان دئسن آزدی
رهبر بویوران سوزلره ائتسگ عمل اوندا
بو کشور ایرانه گلستان دئسن آزدی
طبعین تازا ایلده نه گلیب جوشه شهودی
بو طبعه اگر مرغ غزل خوان دئسن آزدی
انتهای پیام/
